Villuminni í Þjóðminjasafni

Reykjavík

03. október 2015

13:00-15:00

Höfuðborgarsvæðið

Málþing til heiðurs Vilborgu Harðardóttur á vegum Rauðsokka

Rauðsokkar minnast Vilborgar Harðardóttur, blaðamanns og frumkvöðuls í kvennahreyfingunni, með málþingi í sal Þjóðminjasafnsins.

Steinunn Marteinsdóttir leirlistarmaður talar um vinkonuna Villu.

Hildur Hákonardóttir lýsir Vilborgu sem baráttufélaga í Rauðsokkahreyfingunni, en Hildur er m.a. höfundur bókarinnar Ég þori, get og vil, sem byggist á framlagi Vilborgar til kvennabaráttunnar og kvennaverkfallsins 1975.

Drífa Snædal, framkvæmdastjóri Starfsgreinasambandsins, fjallar um konur og verkalýðsbaráttu.

Þórunn Sveinbjarnardóttir, fyrrverandi alþingismaður og umhverfisráðherra, ræðir um sérstöðu kvenna í umhverfismálum.

Reykjavíkurdætur leika listir sínar, þar á meðal Þuríður Blær Jóhannsdóttir, dótturdóttir Vilborgar.

Málþingsstjóri er Guðrún Hallgrímsdóttir, matvælaverkfræðingur og einn stofnenda Rauðsokkahreyfingarinnar.

Málþingið er haldið í tengslum við ljósmyndasýninguna Blaðamaður með myndavél á Veggnum á jarðhæð Þjóðminjasafnshússins, en þar er sýnt úrval blaðaljósmynda Vilborgar frá sjöunda og áttunda áratugnum. Nú í haust eru áttatíu ár liðin frá fæðingu Vilborgar (1935–2002).

Allir eru hjartanlega velkomnir.